وداعا يا حسين -- أداء الرادود حيدر العطار
يـبـن حـامي الحميه...أودعك هالمسيه ...وداعاً يا حسين
عين السما وقلب السما دمعة
وجمر ع المظلوم
مشهد من القاع انرسم ... بعين الكواكب مرسوم
حسين الشمس، و تودعَه ... زينب و الأطفال نجوم
والقمر ،عباس القمر، ما بين الخيام يحوم
والإشعاع ... دمع وداع .. من كل عين يتلالا
للأفلاك ... للأملاك... هاي الدمعة تتعالى
وداعا يا حسين وداعا يا حسين يابن حامي الحمية أودعك هالمسية
********
عين القلم، دمع القلم، يجري وعلى اللوح يسيل
وفطرس جذب، ونة قهر، ترجم حزن جبرائيل
مو خيمة هذي بكربلا، مو خيمة هذي بكربلا، هذي جنح ميكائيل
بجنحه جمعها العايلة، وأطفال سر التنزيل
صوت البين... باسم حسين.... يصيح وينظر لنحرهه
وللأطياب... هاي رقاب لصليل السيف منتظرة
*****
الصوت اعتلى، بأوج العُلى، ويتعالى غيم
الآهات
القرآن سبط المصطفى، وسكنة ورقية الآيات
والعايلة، حروف السور، هالليلة يجرن عبرات
الإنجيل زينب بنت علي، وبدر الهواشم تورات
والتأويل ... ع التنزيل ... دمعاته يسيلن دم
بهدوة ليل ... والإنجيل ... قبل جبهة المحكم
***********
هاي الخيم، أطهر خيم، كعبة وتحج ليها أعيال
والحجر قلب أم الخدر، يجمع نافير الأهوال
مذبح اسماعيل المهد، مذبح اسماعيل المهد، وعبد الله طيف الآمال
وزمزم تفجر بالحزن، بعين الحرم والأطفال، بعين الحرم والأطفال
مدمع سال .. ظل همّال .. ظيم وقهر يتجارى
كن نمرود... رد اردود ... تدوي بكربلا ناره
*******************
إتـلاقـه الأسـد .... و إخت الأسد
... زينب و العيون إتشوف
و الـقـمـر لـم نـفـسـه و نزل ما بين الأثنين إيطوف
يـسـمـع حـجـي، إيذوب الصخر، يجرح دليل الملهوف
أم الـشـجـاعـه و بـت علي، هاللحظه مر بيها الخوف
بـاجـر ويـن...مـا تـدريـن...عـمرج تنتهي آماله
حتى الليل صاح الويل...حين الشاهَد الحاله...وداعا يا حسين
*********************
كـل ونـه بـأطـنـاب الـخـيـم منها الشمس تتكور
و يـسـعـر حـنـيـن الـوالده إبحيره و حزن عالأكبر
بـاجـر عـلـي إتـقـطـعه الزلم و إعله الأرض يتكور
بـاجـر جـفـن عـرش الـسمه إيهل عالوجن دم أحمر
و الآهـات...عـدنـه إتـبـات...و إبنج يغرب إهلاله
حته الليل صاح الويل...حين الشاهد الحاله...وداعا يا حسين
*********************
مـر إعـلـه رمـلـه أم الـحزن مو حزن ضربات إسهام
خـبـرهـا وي وجـه الـصـبـح تـنطبر هامة جسام
خـبـرهـا بـاجـر تـحـتـرق مـا تظل للعيله إخيام
خـبـرهـا بـاجـر لـو يـمـر يـحدون بيكم للشام
و إتـشـوفـيـن ...دمـع العين... يهل و إدموعه سيّاله
حته الليل صاح الويل...حين الشاهد الحاله...وداعا يا حسين
*********************
آيـه كـريـمـه إمـنـوره تـنـبـض ابـقلب القرآن
مـنـقـولـه عـن صـوت الوحي حرمت قتل الرضعان
بـاجـر إبـقـوس الـفـاجـعه و نبلة حليف الشيطان
عـبـدالله يـنـزف مـنـحـره و يـنذبح أصغر قربان
سـهـم الـبـيـن...صاب حسين...ذبه الأصغر أطفاله
حته الليل صاح الويل...حين الشاهد الحاله...وداعا يا حسين
*******************
الـلـيـل مـدبـر و الـنـجـم يـلفظ بقايه الأنفاس
و الـفـجـر مـقـبل و الكدر ينشر سواده إعله الناس
بـاجـر عـلـه إجـروف الـنـهر تنطبر هامت عباس
و يـنـهـدم سـورك يـا عـلي و خدر الحراير ينداس
يـالـمـشـهـود...رايـه و جود...و يمينه إمفارقه إشماله
حته الليل صاح الويل...حين الشاهد الحاله...وداعا يا حسين
بـاجـر ذراع الـفـاجـعـه يـرمـي الـسهم عالعتره
بـاجـر مـحـمـد يـشـتـكـي لـلباري حيرة أمره
تـنـطـبـر هـامـت حـيدره و ينكسر ضلع الزهره
و حـسـيـن يـوقـع عـالـثـره و الشمر يقطع نحره
صـدر حـسـيـن...صـدر الـديـن...ما ترحمه الخياله
حته الليل صاح الويل...حين الشاهد الحاله...وداعا يا حسين
**********************
Comments
Post a Comment