قصِيدةْ يآعليْ يابنِي ؛ للشاعر عبد الخالق المحنه

من قطع أوصالك بسيفه ياعلي يابني
بعدك على الدنيا العفى فرقاك شيبني
أكبر يانور العين          يا معفر الخدين

ياوليدي قلي ياجرح يآذيك حاجيني ×2
أنت العمر وأنت الصبر وأنت نظر عيني ×2
تاليها يابني ياعلي تمشي وتخليني ×2
راح الصبر بعد الولد وينه اللي يواسيني ×2

دم ودمع بيدي           جاوبني ي وليدي

من قطع أوصالك بسيفه ياعلي يابني
بعدك على الدنيا العفى فرقاك شيبني
أكبر يانور العين          يا معفر الخدين

ياشمعة سنين العمر ياكوكب أحلامي
رايح يا ضي عيني وأظل بالحسرة وآلامي
مطروح أشوفك ياحلم فوق الارض دامي
يالغالي وأدري بالدمع ما يرتوي الضامي

وياك أخذ روحي         يابلسم جروحي

من قطع أوصالك بسيفه ياعلي يابني
بعدك على الدنيا العفى فرقاك شيبني
أكبر يانور العين          يا معفر الخدين

منتظرة ليلى بالخيم تتأملك ترجع
ما تدري بسيوف العدى يامهجتي مقطع
لو وحدي أرجع للخيم من الخيم تطلع
تعرف جوابي ياعلي لو شافت المدمع

ياالعترب مطروح                وياك اخذ هاالروح

من قطع أوصالك بسيفه ياعلي يابني
بعدك على الدنيا العفى فرقاك شيبني
أكبر يانور العين          يا معفر الخدين

عذبني يومك ياعلي والراس شيبته

ناديتك اقعد ياالولد النوم طولته
جرحك سكن وسط القلب وأكبر جرح إنت
سور وبنيتك بالدمع وعليه هدمته

زينب شجاوبها           كثرت مصايبها

من قطع أوصالك بسيفه ياعلي يابني
بعدك على الدنيا العفى فرقاك شيبني
أكبر يانور العين          يا معفر الخدين

زينب إذا سمعت علي راح شيصبرها
محتار أنا بزينب أظل وشلون أخبرها
مهضومة زينب ياعلي فرقاك يكسرها
أُم من يروح الها ولد من تبكي نعذرها

ما تطفي جمرتها                 معروفة ونتها

من قطع أوصالك بسيفه ياعلي يابني          
بعدك على الدنيا العفى فرقاك شيبني
أكبر يانور العين          يا معفر الخدين

يالفارقتني بغربتي وياك إخذ عمري
ياوليدي وي دم هامتك فاض ونزف صبري
نار الحزن صارت تشب من صدرك وصدري
يا بويا أغلى من الهوا ،من النفس تدري

ياالغيرك شعندي               جرحك مُرد شبدي